Lider Estudante iha UNTL, Konvoka primeira reuniaun hodi eleje Lideransa Estudante

Primeira Reuniaun eleje Lideransa Estudante UNTL nian ba Periodu 2016 -2018

Ohin, loron Kuarta-feira, data 01 Juñu 2016, iha Kampus Sentrál UNTL, konvoka reuniaun dahuluk entre prezidente eleitu sira husi órgaun Asosiasaun Akadémika Estudante nian ho objetivu hodi eleje reprezentante estudante nain 3 ba túr iha órgaun superiór UNTL nia sira ho Mandatu tinan 2.

Reuniaun dahuluk ne’e parti

sipa husi prezidente eleitu sira husi órgaun Asosiasaun Akadémika Estudante nian husi Fakuldade 8 iha UNTL, hamutuk ema nain 24, Feto 3 Mane, 21, ne’ebé akompaña husi Lideransa Universidade no Tekniku Administrativu sira husi Gabinete Pro-Reitor Assuntu Estudante.

Rezultadu husi reuniaun dahuluk ne’e, hili reprezentante estudante nain tolu ho sistema votasaun lista nakloke. Kandidatu sira ne’e eleitu ba pozisaun sira hanesan tuir mai ne’e:

1. Lizerio Dias, estudante husi Fakuldade Ciencia Sociais, Departementu Relasaun Internasional, eleitu ba membru Konsellu Jeral UNTL,

2. Januario F. Pinto, estudante husi Fakuldade Filosofia, Departementu Filosofia Jeral, eleitu ba membru KOnsellu Dixiplinar UNTL, no

3. Emelita do Rosario, estudante husi Fakuldade Mecina e Ciencia Saude, Departementu Parteira, eleita ba membru Senadu Akademika UNTL,